निर्माण गरेको पाँच महिनामै १७ लाखको सडक भासियो

प्रिंन्स मिश्रा, कपिलवस्तु
कपिलवस्तु, श्रावण ६ गते । कपिलवस्तुको शिवराज नगरपालिकाले निर्माण गरेको सडक ५ महिनामै भत्किएको छ । नगरको वहुवर्षिय योजना अन्तर्गत शिवराज नगरपालिका ५ बुडिडहवा देखि सुन्दरपुर स्कुल सम्मको अधिकांश सडक भासिएको छ ।
२ सय ८७ मिटर लम्बाइको उक्त सडक भासिन र भत्किन थालेपछि स्थानीयहरूले नगरपालिका माथि प्रश्न उठाउन थालेका छन् ।नगरपालिकाको १७ लाखको लागतमा निर्माण भएको उक्त सडक गुणस्तरहीन बन्दा नगरपालिकाले भने अहिले सम्म चासो दिएको छैन । जनताको करको रकम यसरी कालोपत्रेको नाममा चरम दुरुपयोग देखिएको छ ।
निर्माण सम्पन्न हुँदा देखि नै सडक भासिन थालेको स्थानीय ले बताउछन । यसरी निर्माण भएको पाँच महिनामै सडक भत्किदा नगरपालिकाकै मिलोमत्तोमा कमसल सामाग्री प्रयोग गरिएको नागरिकहरूले आंशका गरेका छन् ।

1 वर्ष पहिले    673 Post Views