नेपाल प्रहरीले आगामी प्रतिनिधिसभा तथा प्रदेशसभा सदस्य निर्वाचनका लागि म्यादी प्रहरीको भर्ना खुला गरेको छ ।
आगामी प्रतिनिधिसभा तथा प्रदेशसभा सदस्य निर्वाचनका लागि नेपाल प्रहरीले म्यादी प्रहरीको भर्ना खुला गरेको छ । प्रधान कार्यालय मानव श्रोत विकास विभागको भर्ना छनोट शाखाले म्यादी प्रहरी भर्ना छनोट, नियुक्ति तथा परिचालन सम्बन्धी मापदण्ड २०७९ अनुसार १ लाख १५ हजार म्यादी प्रहरीका लागि दरखास्त आह्वान गरेको हो । यसैबिच धनुषामा पनि बिहिवारदेखि दरखास्त फाराम आह्वान गरेको छ । आसन्न निर्वाचनमा धनुषामा मात्रै ३ हजार ३५० को संख्यामा म्यादी प्रहरी भर्ना गरिने जिल्ला प्रहरी कार्यालय धनुषाका प्रवक्ता प्रहरी नायव उपरीक्षक प्रदीपबहादुर क्षेत्रीले जानकारी दिए । यसअघि वैशाख ३० मा सम्पन्न स्थानीय तहको निर्वाचनमा धनुषामा ३ हजार १२१ जना म्यादी प्रहरी छनोट भएका थिए । जिल्लामा ९ हजार २१ जनाले आवेदन दिएकोमा ३ हजार १२१ जनालाई छनोट गरिएको थियो । इच्छुक नेपाली नागरिकले आजदेखि असोज ६ गतेसम्म सार्वजनिक बिदाको दिनसमेत दरखास्त बुझाउन सक्नेछन् । दरखास्त फाराम सबै जिल्ला प्रहरी कार्यालयमा उपलब्ध गराइएको छ ।आवेदक दरखास्त फारम दर्ता गर्ने अन्तिम मितिसम्म १८ वर्ष पूरा भई ५४ वर्ष ननाघेको हुनुपर्नेछ । त्यस्तै, नेपाली नागरिक हुनुपर्ने, साधारण लेखपढ गर्न जान्ने, नैतिक पतन देखिने फौजदारी अभियोगमा सजाय नपाएको, राजनीतिक दलको सदस्य नरहेको, शारीरिक तथा मानसिक रूपले स्वस्थ रहेको, आतंककारी संगठनको सदस्य नरहेको हुनुपर्नेछ ।
8 महीना पहिले
104 Post Views
